Додека Сашо Мијалков во средата попладне се пакувал да излезе од притвор во затворот во Шутка, сообвинетиот во процесот „Плацеви на Водно“ Орце Камчев се пожалил на здравствени проблеми, а Основниот кривичен суд, каде се води овој судски процес, го испратил на лекување во приватната болница „Аџибадем Систина“, објави порталот Сдк.мк.
Како што дознава САКАМДАКАЖАМ.МК од болнички извори, Камчев кој е член на одборот на директори на болницата таму веќе го чекал тим од лекари, кој по прегледот востановил дека треба да биде хоспитализиран, пишува СДК.
Камчев во моментов се наоѓа во Систина. Инаку Орце Камчев ја очекува одлуката на Апелација по пратената жалба, дали ќе биде пуштен од притвор.
