СДСМ: Арсовска ја прекина изградбата на мостот „Михајло Апостолски“ во Аеродром, на штета на Скопје и скопјани

Изјава за медиуми на СДСМ, Стефан Васев од СДСМ

Почитувани граѓани, почитувани новинари,

Ова е мостот генерал Михајло Апостолски, капитален проект кој го намалува сообраќајниот метеж во Скопје, во Аеродром и Гази Баба.

Мостот е особено значаен за граѓаните на Аеродром и Гази Баба, со олеснување на движењето се намалува сообраќајот а тоа директно влијае и на намалување на загадувањето.

За жал и на штета на скопјани Данела Арсовска од само за неа познати причини решава да ја запре неговата изградба.

Тоа е несериозно, неодговорно и пред се нечесно кон граѓаните на Скопје.

Нема никакво оправдување за неспособноста на Арсовска и ВМРО-ДПМНЕ.

Тие ја добија одговорноста од граѓаните да ги решаваат проблемите, а гледаме дека освен поништување и стопирање на капитални и важни проекти за друго не ги бива.

Да се биде градоначалник на Скопје значи дека треба да се работи за граѓаните и градот, а не само да се разрешуваат директори и да се поништуваат проекти.

Ако Арсовска и ВМРО-ДПМНЕ не знаат и не можат да работат за Скопје и граѓаните, нека отстапат.

Скопје и скопјани не заслужуваат градоначалничка која наместо да вложува во развој на градот, таа прави се за да го спречи напредокот.