Усвоениот Буџет за следната година има силна развојна компоненета за економски раст и повеќе пари за капитални инвестиции, истакна на прес-конференција, Дарко Каевски, пратеник на СДСМ.
Тој рече дека со буџетот се обезбедува непречена грижа за заштина на здравјето на населението, економски раст, зголемување на инвестициите, поддршка на реформите во правосудството и евроатлатските интеграции. Еден од аспектите на Буџетот, како што исткана Каевски, е и обезбедувањето средства за соочување со предизвиците од глобалната енергетска криза и заштита на граѓаните и фирмите.
„Продолжуваме со намалување на тековните расходи, кратење на неприоритетни и несуштински трошоци, а највисоко учество во буџетските расходи имаат капиталните инвестиции. Капиталните инвестиции изнесуваат 37,8 милјарди денари што е за околу 27 проценти повеќе во однос на 2021 година. Средствата ќе бидат наменети за интензивирање на реализацијата на инфраструктурните проекти, односно за инвестициските вложувања во патната и железничката инфраструктура, енергетската и комуналната инфраструктура како и капитални инвестиции за подобрување на условите во здравствениот, образовниот, социјалниот систем, земјоделството, културата, спортот, заштита на животната средина и правосудството“, рече Каевски.
