2. август 2025
Centar.mk – Вести, бизнис, забава, спорт…
МАКЕДОНИЈА

Втор ден од работната посета на Берлин – Димитров на средби со високи претставници на ЕУ и Германија

На вториот ден од работната посета на Берлин, утрово, заменик-претседателот на Владата задолжен за европски прашања, Никола Димитров, оствари средби со генералниот секретар на Европската служба за надворешни работи (ЕЕАС), Стефано Санино, и со државниот секретар во германското МНР, Мигуел Бергер.

Средбата со генералниот секретар Санино се одржа на маргините на годишната конференција на советот ECFR, во кој членуваат и двајцата соговорници. На состанокот беше разговарано за политиката на проширување како најважната алатка на надворешното дејствување на ЕУ и македонското евроинтегративно досие како клучно за кредибилитетот на Унијата.

Генералниот секретар Санино истакна дека најважниот чекор напред во политиката на проширување е почетокот на пристапните преговори со Северна Македонија и со Албанија.

Овие теми беа разговарани и на средбата со државниот секретар Мигуел Бергер, на која беше реафирмирана цврстата германска поддршка за европската интеграција на Северна Македонија.

Димитров: „Европската перспектива е лепилото што ги соединува прогресивните сили во регионот. Обновувањето на довербата во политиката на проширување е можно само преку успех во македонското европско досие“.

Државниот секретар Бергер нагласи дека Германија ќе продолжи интензивно да работи на ова прашање што е наведено како приоритет и во коалицискиот договор на новата влада.

На маргините на годишната конференција на ECFR, Димитров имаше средба и со новоназначениот, иден претседавач со Минхенската безбедносна конференција, германскиот дипломат Кристоф Хојсген, кој ќе го наследи амбасадорот Ишингер.

Димитров и Хојсген разговараа за проширувањето на ЕУ низ призмата на обезбедување стабилност и сигурност. Во тој контекст претседавачот Хојсген ја истакна важноста на преспанскиот договор како еден од столбовите на регионалната безбедност и соработка на Западен Балкан и пошироко.

Работната посета на Берлин ќе биде заокружена со првата средба со новоименуваната министерка за Европа, Ана Лирман, и состанок во берлинската канцеларија на тинктенкот Европска иницијатива за стабилност (ESI).

Можеби ќе ве интересира

Утре изолирана појава на пороен дожд и грмежи, понеделник невреме низ речиси цела Македонија – Метеоцентар со детална прогноза

ДЕСК

Филипче ја предводеше делeгацијата на СДСМ во Крушево – Илинден е нашиот темел, да ја продолжиме борбата за Македонија!

ДЕСК

Изгореа неколку куќи во Лисиче, има повредени

ДЕСК