Centar.mk – Вести, бизнис, забава, спорт…
Македонија

Меѓу преживеаните во несреќата во Бугарија се 17-годишно девојче и шестмина возрасни

По трагичната несреќа во Бугарија, во болницата „Пирогов“ во Софија примени се 17-годишно девојче и шест возрасни лица, изјави д-р Маја Аргирова од Клиниката за изгореници при медицинската установа за БТА. Таа нагласи дека тие не се во животна опасност.

Девојчето и петмина од возрасните се на Клиниката за изгореници, а еден е упатен на Клиниката за трауматологија. На сите им се прават дополнителни прегледи во болницата.

Несреќата се случи на магистралниот пат „Струма“ малку по 2 часот по полноќ кај селото Боснек. Автобусот со македонски регистарски ознаки сообраќал во правец на Република Северна Македонија. Возилото во Бугарија влегло од Турција. Малку по полноќ, автобусот застанал на бензинска пумпа во близина на Софија по што продолжил. Несреќата се случила еден час подоцна.

Засега нема потврда дали автобусот првин излетал од патот, а потоа се запалил или најпрвин избувнал пожар во возилото. Според првичните информации, причината поради која луѓето не можеле да се спасат е тоа што автобусот се превртел.

Можеби ќе ве интересира

Страшна несреќа во Австрија – Работник од БиХ паднал во базен што вриел со цинк

M T

Седумте преживеани од автобусот ќе бидат етапно отпуштани од болницата

M T

Од Интензивна нега на Клиниката за изгореници се префрлени повредените од несреќата, едно лице ќе биде оперирано

M T

Четиригодишни близнаци се најмладите жртви од автобуската несреќа во Бугарија

M T

Филипче ги посети преживеаните во несреќата: Тие се во добра здравствена состојба

M T

„Боинг“ призна одговорност за авионската несреќа во која загинаа 157 луѓе

M T