„Граѓаните ќе имаат јасна прилика за кој концепт ќе ги дадат своите гласови во вториот круг. Во Карпош има два концепта, едниот е бетонизација на Карпош, а другиот е проеврпски концепт со проекти и јасно движење на општината“ кажа кандидатот за градоначалник од СДСМ и коалицијата, Душко Весковски на „Утрински брифинг“.
Тој додаде дека Стевчо Јакимовски поддржан од ВМРО-ДПМНЕ во минатиот негов мандат го смени демографскиот лик на општината и го бетонизираше карпош.
„Мора да имаме реални проекти за граѓаните, општината четири години беше блокирана и се уште е блокирана за жал. Не знам колку граѓаните тоа го разбираат, но општината има долг од 4 и пол милиони евра“ кажа Весковски.
Тој повтори дека во неговата програма се предвидува планска и хумана урбанизација на општината кон Злокуќани, Бардовци и касарната Илинден, а најави и изградба на голем парк, на 86 илјади квадратни метри, во Карпош 4, како и катна гаража кај Лептокарија.
