Огромна дупка се отвори на патот Маврово-Дебар.
Најверојатно, ова е последица на лизгање на земјиштето, а зафаќа една цела коловозна лента. Според информациите од АМСМ, дупката е со длабочина од околу 10 метри. Очевидци велат дека поради навременото превенирање од полицијата, избегнат е несреќен случај бидејќи патот е фреквентен.
Засега, патот ќе остане целосно затворен за сообраќај, поради опасност дупката да се прошири и на другата сообраќајна лента. Сообраќајот од и кон Дебар се пренасочува преку Струга. Местото го обезбедува полицијата, а на терен се чекаат екипи на ЈП „Македонијапат“.
НАЈЧИТАНО НА ИНТЕРНЕТ...
