– Одржливиот развој на општините ќе обезбеди баланс помеѓу грижата за животната средина и економскиот развој, соопшти премиерот Зоран Заев попладнево на Фејсбук.
– При посетата на НП Маврово имав средба со претставници на Македонското еколошко друштво, кои ни го презентираа проектот за следење на рисот кој е уникатен вид и е наш национален симбол. Потенцираа дека се задоволни од одличната соработка и поддршка која ја имаат од МЖСПП.
За време на разговорот им најавив дека со изградбата на новите делници ќе имаме предвид, секаде каде што тоа е можно, секој автопат да има подземни премини или зелени мостови за заштита на животните и за поголема безбедност во сообраќајот, информираше Заев.
