Изборните кампањи иако сите наликуваат една на друга, сепак често пати знаат да ја извадат креативноста на граѓаните на виделина.
Фејсбук страницата Криминалците од Ѓорче денеска објави видео преку кое на сатиричен начин ја нападна понудата на ВМРО-ДПМНЕ и нивниот кандидат за градоначалник алудирајќи дека таму нема никаква промена.
Во време кога општеството е се уште силно поларизирано, кога кампањите се водат валкано со навреди, закани и лажни вести, употребата на политичка сатира е несекојдневна појава која е за поздравување.
