„Наместо градинки, улилишта и болници, ВМРО-ДПМНЕ градеше партиски музеи, партиски плоштади и како круна на се ја изградија Белата палата. Меѓутоа иако е бела од надвор, таа е црна внатре. Затоа што има црнила, жални судбини, многу загинати и опљачкани луѓе. Таа останува и ќе биде споменик на криминалот и корупцијата што се случуваа за време на режимот“кажа потпретседателот на СДСМ и министер за внатрешни работи, Оливер Спасовски на трибината „Најдоборот за мојата општина“ во Илинден.
Тој додаде дека граѓаните, особено граѓаните на општина Илинден може да ја направат разликата помеѓу слободата и угнетувањето, помеѓу правото на избор и узурпираното право, помеѓу слободата на мисла и говор и стравот што владееше за време на режимот.
„ВМРО-ДПМНЕ ја остави периферијата на Скопје нечепната и затоа во 12 села во општина Илинден денес нема комунална инфраструктура, канализациона мрежа, а во центарот на Скопје се потрошија 700 милиони евра на Скопје 2014“ кажа Спасовски.
Тој додаде дека нашите градови и села останаа без основната инфраструктура, бидејќи тие 700 милиони евра завршија во барок, во стиропор, во жални врби, палми, споменици и галии наместо во водоводни и канализациони мрежи и локални патишта.
