11.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Царовска за ефектите од „Учи паметно, работи стручно“: 1.384 ученици запишани во дуални паралелки, го постигнавме очекуваниот резултат

Кампањата „Учи паметно, работи стручно“ на Министерството за образование и наука ги даде првите ефекти. За 6% е зголемен бројот на ученици кои оваа учебна година се запишаа во средните стручни технички училишта споредено со минатата година, а вкупниот број на запишани ученици во дуалните паралелки е 1.384. Ова го истакна министерката за образование и наука на денешниот настан во средното медицинско училиште „Д-р Панче Караѓозов“ во Скопје.

„Целата оваа активност и дијалог којшто го имавме изминатиот период помеѓу средните стручни училишта, компаниите и локалните самоуправи даде одлични резултати.

„Учи паметно, работи стручно“ имаше таргет да склучи договори со компании, да отвори дуални паралелки многу повеќе од тоа што беше минатите години, а да истакнам дека во минатите години имаше само 10 дуални паралелки на територија на држава. Денеска можеме да кажеме со гордост дека имаме 97 дуални паралелки и склучени договори со повеќе од 200 компании во 44 училишта“, рече министерката.

Царовска истакна дека унапредувањето на средното стручно образование со отворањето на дуални паралелки и нови струки со години беше потреба на нашата држава, на што и алармираа компаниите дека се соочуваат со сериозен недостиг со стручно квалификуван кадар.

„Очекувам дека во наредниот период уште поинтензивно ќе работиме со сите компании и ќе го продолжиме започнатиот дијалог со кој утврдуваме кои струки и кои профили треба да се отворат доколку во моментот не постојат, или да се зајакнат постојните, сé со цел да младите добијат поквалитетно знаење и знаење коешто директно доаѓа преку работа и искуство во компании, за понатаму да може да се полесно вработливи и да може директно да се вклучат на пазарот на труд.

Најодговорно во една држава е кога вложуваме во човечкиот потенцијал. Сметам дека со оваа програма даваме заложба за директно намалување на младинската невработеност“, рече Царовска.

Министерството за образование и наука ја промени и политиката за стипендирање на учениците од средното стручно образование со цел да ја подигне атрактивноста на овие училишта и да ги поттикне младите да се запишуваат.

За оваа учебна година обезбедени се 2.000 стипендии во месечен износ од 3.500 за 9 месеци во годината за сите кои ќе се запишат во дуална паралелка и тоа е одличен мотив за додека се учи, истовремено и се остварува приход, кој и тоа како им значи на младите.

Спонзорирано:

Можеби ќе ве интересира

Во училиштата во Чешка, наместо греење, на учениците им дале ќебиња

M T

Ковачевски: Среќен почеток на новата учебна година

M T

Шаќири: Наша мисија е да обезбедиме еднакви услови за сите ученици

M T

Шаќири: Приоритет е враќањето на учениците на настава, покачување на платите ќе има

M T

Извршени контроли на 148 возила кои вршат јавен превоз на ученици, констатирани 70 прекршоци

M T

Јетон Шаќири е новиот министер за образование и наука

M T