Во овие три децении имаме многу победи и битки, но и многу слабости, па затоа како генерација треба да се насочиме кон она што следува, односно кон она што граѓаните и младите го очекуваат преку нашиот искрен пристап, вели вицепремиерот за борба против корупцијата, Љупчо Николовски.
-Имав седум години тогаш и ја памтам сликата кога на плоштадот Македонија кога не израдува претседателот Глигоров, Никола Кљусев и изминатото лидерство на државата. Сите ги памтиме зборовите на Глигоров кога ни честиташе суверена и независна Република Македонија, со што се заокружи тој илиденски и АСНОМ-ски континуитет, кажа Николовски.
Тој додаде дека е горд што е дел од генерација која учествува во храбри и клучни процеси. Сите сме мотивирани, вели Николовски, за да изградиме општество со еднакви вредноси за сите граѓани.
-Сега е моментот да се фокусираме на вистинските политики. Имаме многу битни одлуки од минатото и време е за храбро лидерство и повеќе да не губиме време. Наредните генерации нема да ни го простат тоа. Треба да ја градиме демократијата, да ги јакнеме институциите, но и да ги решаваме проблемите, порача Николовски.
Според вицепремиерот претстои уште една крупна цел, а тоа е враќање на довербата на граѓаните во системот.
-Преспанскиот договор е основа на она што во иднина треба да го градиме. Сега сме растеретени од таквиот вид проблеми. Фокусот е на растот на плати, пензии, градење училишта, патишта и мостови… Само со климата на заедништво ќе испорачаме резултати заклучи Николовски.
ПОПУЛАРНО НА ИНТЕРНЕТ...
