Со овие рецепти од нутриционистите ставете крај на уморните утра, а истите ќе ви помогнат да се ослободите од вишокот килограми.
За убави утра полни со енергија, нутриционистката Џој Бауер предлага неколку рецепти за појадок за кои, како што тврди, топи килограми.
Ова се оброци кои не содржат повеќе од 300 калории, а се базираат на комбинација од 10 грама протеини и 4 грама влакна поради што нема да имате грижа на совест, и енергично ќе го започнете денот.
1. ТОСТ СО АВОКАДО И ЈАЈЦЕ
Премачкајте еден тост од цело зрно со 1/4 мелено авокадо. Додадете едно јајце по ваш избор и зачинете го целиот оброк со црн пипер или некој друг омилен зачин. Изедете половина грејпфрут или цел портокал со овој појадок.
2. КАЈГАНА СО ЗЕЛЕНЧУК
Измешајте цело јајце и три белки со комбинација од зеленчук (домат, кромид, печурки, спанаќ и др.), и збогатете го целиот оброк со тост од цело зрно или портокал или половина грејпфрут.
3. СЕНДВИЧ СО СЛАНИНА, СИРЕЊЕ И ЈАЈЦЕ
Здрава верзија на вашиот омилен појадок, сендвич, вклучува еден кајзер од цело зрно, парче домат, три белки од јајца, една фета сланина со една фета сирење со малку маснотии, и додавање на црн пипер и кечап.
Исечете го кајзерот на половина и ставете парче домат на едната половина, на која ќе додадете фета сланина кратко загреана во тава. Во тава подгответе три белки од јајца зачинети со бибер и ставете ги на сланината. Потоа додајте сирење и кечап во сендвичот и покријте го со другата половина од кајзерот.
