Centar.mk – Вести, бизнис, забава, спорт…
Македонија

Шахпаска: Зголемување на опфатот на деца во градинките во Општина Свети Николе и Општина Росоман

Министерката за труд и социјална политика Јагода Шахпаска денеска потпиша Договори за соработка со градоначалниците на Општина Свети Николе, Сашо Велковски и Општина Росоман, Бранко Јанев за доградба и изградба на две детски градинки.

Овие договори се однесуваат на унапредување, промоција и поддршка на политиките за развој на детската заштита, со цел да придонесат за зголемување на опфатот на деца во детските градинки.
Договорот со општина Росоман се однесува на проширување на постоечката детска градинка “Праскичка”, со што капацитетот на градинката ќе се зголеми за 30 деца (2 групи од по 15 деца). За оваа намена МТСП обезбеди средства во вкупен износ од 12.279.000 денари.

Договорот со општина Свети Николе се однесува на изградба и опремување на нова детска градинка во с.Ерџелија, “Рахилка Гонева”, која ќе биде со капацитет за згрижување на 60 деца. За оваа изградба на оваа градинка МТСП обезбеди 31.565.000 денари.

„Како Министерство но и како Влада продолжуваме со политиките за зголемување на капацитетите на детските градинки со цел поголем опфат на деца во нив. Предучилишното образование претставува првиот чекор со кој што дечињата влегуваат во образовниот системот, почнуваат да ги стекнуваат основните навики, вештини, се дружат, учат и притоа низ целиот процес ги водат стручни компетентни кадри,“ истакна министерката Шахпаска.

Таа истакна дека од почетокот на мандатот, односно за само 10 месеци, отворени се 15 нови градинки со што капацитето е зголемен за 1.150 деца. До крајот на оваа година ќе бидат отворени уште 10 нови детски градинки, најави Шахпаска.

„Остануваме посветено да работиме на крајната цел, зголемувањето на процентот на опфат на деца во предучилишните установи на 60 отсто, односно дополнителни 7500 деца во градинките до крајот на мандатот“, потенцираше министерката Шахпаска.

Градинките се очекува да бидат отворени за 14 месеци од моментот на воведување на работа на изведувачот.

Можеби ќе ве интересира

Шахпаска на Меѓународна конференција за жените Ромки: Со политики против родови стереотипи и сексизам создаваме општество кое интегрира

M T

„Фајзер“: Вакцината дава силен имунолошки одговор кај децата на возраст од 12 до 15 години

M T

Шахпаска: Предложените измени на менито во градинките се клучни за правилен детски развој

M T