29 годишна родилка од Куманово почина од компликации на ковид-19. Таа денес се најде на списокот од 4 починати лица во последните 24 часа од коронавирус.
Неколку дена била во тешка здравствена состојба, а последните три дена била хоспитализирана на Инфективната клиника.
Таа претходно се породила во седмиот месец од бременоста, и бебето според извори е ставено во инкубатор.
Од Министерството за здравство потврдија дека починала родилка и велат дека таа била во тешка здравствена состојба како последица на коронавирусот.
Денес беа регистрирани дури 398 случаи на коронавирус што е рекордна бројка од почетокот на летово кога дневно се бележеа по неколку десетици случаи на опасниот вирус.
