Започна сезоната на капини, овошјете од бобинки, кое, за жал, не е често присутно во нашата исхрана, и претставува моќен подарок од природата за нашето здравје.
Ова овошје е одлично во превенција од многу болести и е на листата на топ 10 намирници кои можат да спречат појава на малигнитет.
Капината е богата со витамини А, Б1, Б2, Б3, Б6, Ц, Е и К, како и фолна киселина.
Исто така, содржи магнезиум, калиум, калциум, цинк и железо. Конечно, капините содржат амино киселини и диетални влакна кои го зачувуваат здравјето на дигестивниот систем.
Капината е ефикасна во спречувањето на појавата на рак на белите дробови, хранопроводот и дебелото црево.
Капините се особено корисни за постарите луѓе, бидејќи помагаат да се забави слабеењето на моторните и когнитивните функции.
Редовното консумирање капини може да ја подобри меморијата. Исто така, тие се полни со растворливи и нерастворливи влакна важни за оптимално функционирање на дигестивниот тракт.
Помагаат да се испразнат цревата и го регулираат запекот, па затоа се препорачуваат за секој што има проблеми со перисталтика.
Сезоната на ова летно овошје е во тек, затоа ве советуваме да побрзате на пазарите и да ја вклучите оваа здрава храна во вашата исхрана.
