17. септември 2025
Centar.mk – Вести, бизнис, забава, спорт…
МАКЕДОНИЈА

Посебен сообраќаен режим во центарот на Скопје поради протест

Посебен сообраќаен режим ќе се спроведува денеска во центарот на Скопје поради протестен марш, во oрганизација на здруженијата на граѓани – коалиција „Менуваме“.

Како што најави Министерството за внатрешни работи, протестот ќе почне во 18 часот пред Владата, а потоа ќе продолжи до Собранието.

Од тие причини, Одделението за безбедност на патниот сообраќај ќе преземе мерки за посебен режим на сообраќајот, односно од 14:30 часот до завршување на настанот затворена за сообраќај ќе биде улицата „11 Октомври“, а за време на движењето мерки за посебен режим на сообраќајот ќе се преземат и на булеварот „Илинден“, десно по булеварот „ВМРО“ и лево по улицата „Димитрие Чуповски“, при што сообраќајот ќе се пренасочува по околните сообраќајници.

Од МВР апелираат до сите учесници во сообраќајот да ги почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај со цел безбедно и непречено одвивање на сообраќајот.

Можеби ќе ве интересира

„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби

C +

СДСМ: Шамар за скопјани-ВМРО-ДПМНЕ го наградува виновникот за Дрисла со носител на листа во Скопје

C +

Мицкоски: Идентификувани 20-тина лица поврзани со пожарите

C +