Невреме со пороен дожд, грмежи и засилен ветер зафати поголем од Македонија, информира УХМР.
И во Скопје попладнево беше нестабилно со пороен дожд и грмежи. Делови од котлината ги зафати краткотрајно невреме со пообилен пороен дожд, засилен ветер и услови за појава на град.
Под влијание на влажна и нестабилна воздушна маса од денес попладне до вторник ќе преовладува променливо облачно време, наместа со пороен дожд, грмежи и засилен ветер. Локално процесите ќе бидат поинтензивни во форма на невреме, со пообилен пороен дожд, чести електрични празнења, силен ветер (над 90 км/час) и услови за појава на град.
Температурата од утре ќе биде во постепено опаѓање.
Утре времето ќе биде сончево и топло со мала до умерена облачност. Попладне и кон крајот на денот ќе има развој на нестабилна облачност проследена со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен пороен дожд, чести електрични празнења, силен ветер и услови за појава на град. УВ=8
НАЈЧИТАНО НА ИНТЕРНЕТ...
