15.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈА

МОН: Објавен конкурсот за прием на студенти во државните студентски домови и други објекти за сместување за студиската 2021/2022 година

Министерството за образование и наука ги известува студентите запишани на јавните и приватните високообразовани институции во државата, дека е објавен Конкурсот за прием на студенти запишани на додипломски студии во државните студентски домови и други објекти за сместување во Република Северна Македонија за студиската 2021/2022 година.

Согласно Конкурсот, за академската 2021/2022 година за студентите се обезбедени 5235 легла во државните студентски домови и други сместувачки објекти, од кои 1249 легла се за студенти од прва година, а 3986 легла се предвидени за студенти од втора, трета, четврта, петта и шеста година, како и апсолвенти.

Право на прием имаат редовни студенти кои се државјани на Република Северна Македонија и се школуваат надвор од местото на живеење, запишани на додипломски студии со траење: помалку од осум семестри, а не повторувале студиска година; осум семестри, а не повторувале повеќе од една студиска година и над осум семестри, а не повторувале повеќе од две студиски години.

Студентите кои ги исполнуваат условите од конкурсот пополнуваат електронска пријава и ја прикачуваат соодветната документација на http://e-uslugi.mon.gov.mk, а доколку немаат можност електронски да аплицираат, пополнуваат хартиена пријава (евидентен лист) и ја доставуваат потребната документација по конкурсот во студентскиот дом.

Рокот за пријавување на студентите од II година и повисоките години почнува од 26.07.2021 година и трае до 20.08.2021 година. Рокот за пријавување на студентите од I година почнува од 06.09.2021 година и трае до 24.09.2021 година. Доколку по објавување на конечните списоци со примени студенти по домови остануваат непополнети сместувачките капацитети во одреден дом, пријавување ќе продолжи се до пополнување на истите, но најдоцна до 15.11.2021 година.

Конкурсот, како и сите потребни документи за аплицирање за сместување во студентските домови е објавен на интернет страницата на МОН од каде може да се преземат потребните документи: https://mon.gov.mk/content/?id=4121

Спонзорирано:

Можеби ќе ве интересира

МОН воведува нови студентски стипендии во академската 2022-2023 година

M T

Шаќири: МОН годинава ќе реконструира четири училишта во Гостивар

M T

МОН: Одборот за евалуација на високото образование е гарант за понудата на поквалитетни, атрактивни студиски програми

M T

Се бараат студенти за возење метро во Виена

M T

Почна второто полугодие, од МОН смируваат дека не е голема бројката на заразени ученици и наставници

M T

МОН: Почетокот на второто полугодие одложен за први февруари

M T