Нема простор за паника за случајот со болните деца во Гевгелија, изјави министерот за здравство, Венко Филипче.
Тој информира дека ниту едно од децата немаат антитела за коронавирус и дека станува збор за вирусна инфекција.
„Заврши целосно увидот. Санува збор за вирусна инфекција. Кај сите деца се направи серолошка анализа на крвта за да се види дали имаат антитела односно дали прележале ковид без симптоми. Ниту едно дете нема антитела“, рече Филипче.
Тој кажа дека од вчера има зголемен број на деца пациенти и во болницата во Козле.
„Очигледно е дека сега имуниот систем на некој начин проработува поради тоа што подолго време биле изолирани дома. Нема простор за паника, нема никаква директна врска со ковид“, рече Филипче и додаде дека станува збор за обична вирусна инфекција.
Изминатиов месец во болницата во Гевгелија биле примени 50 деца и бебиња со симптоми за респираторни инфекции, неспецифични за овој период од годината.
