Казни за 247 возачи во Скопје, 106 возеле над дозволената брзина

Во засилени акциски контроли во текот на вчерашниот ден од страна на МВР биле изречени 247 казни на територијата на Скопје, меѓу нив за возење над дозволената брзина 106 санкции, 13 прекршоци што го направиле возачите на мотоцикли, три казни за возачи почетници, 12 санкции за управување без возачка дозвола.

Од МВР известуваат дека биле изречени и 45 казни за возење под дејство на алкохол, 10 санкции за управување на технички неисправни и нерегистрирани возила, три за некористење сигурносен појас, четири санкции за минување на црвено светло, 22 казни за непрописно паркирање.

МВР со најава дека засилените акциски сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи.