19.8 C
Скопје
24. септември 2022
Centar.mk – Вести, бизнис, забава, спорт…
Македонија

Отпадните води од четири свињарски фарми ја загадувале реката Осојница

Државниот инспекторат за животна средина утврди дека реката Осојница во Виница се загадува од отпадните води од четири свињарски фарми. Надзорот се изврши со овластен инспектор од општината, поради локалната надлежност за инспектирање на три од четирите фарми.

„ Инспекторатот утврди дека фармата која поседува А интегрирана дозвола не ги одржува лагуните и не врши мониторинг на подземните води – и ја задолжи во законски утврдениот рок да ја изведе прописно активната лагуна и да склучи договор за редовно чистење на талогот од изѓубрувањето. Исто така, фармата е задолжена да врши мониторинг на подземните води, согласно обврските кои произлегуваат од дозволата“ соопшти ДИЖС.

Овластените инспектори од општина Виница, како што наведуваат, досега немале сознанија дека покрај реката има фарми кои треба да се контролираат од нивна страна. Тие додаваат дека дополнително ќе постапуваат за собирање информации од правните лица за капацитетот на фармите, од што ќе зависи дали тие ќе добијат задолжение да поднесат барање за издавање Б интегрирана дозвола или одобрување на Елаборат за заштита на животната средина од страна на Градоначалникот на општината.

Државниот инспекторат предупредува дека доколку овластените општински инспектори не постапат според своите овластувања, тогаш Инспекторатот ќе ги преземе соодветните чекори.

Можеби ќе ве интересира

СДСМ: Арсовска не може да се бори против загадувањето со укинување мерки и намалување средства за животна средина

M T

Шилегов: За речиси двојно го намаливме загадувањето на воздухот за четири години, стратегијата функционира

M T

СЗО: Загадувањето на воздухот е поопасно отколку што мислевме

M T

СДСМ: Како власт ВМРО-ДПМНЕ поттикнуваше загадување, денес како опозиција се противи на повеќе пари за инвестиции во обновливи извори на енергија

M T

Станиците Битола 1 и Миладиновци не мерат ПМ10 оти дотраените инструменти биле извор на радијација

CENTAR MKD