Седница на Советот за безбедност поради состојбата со пандемијата

Актуелната состојба поврзана со ковид-пандемијата ќе биде тема на денешната седница на Советот за безбедност на Република Северна Македонија, што ќе се одржи во Кабинетот на претседателот Стево Пендаровски.

Покрај членовите на Советот за безбедност, по покана на Пендаровски, на седницата ќе присуствува министерот за здравство, Венко Филипче.

„На седницата ќе се разговара за актуелната состојба со пандемијата на Ковид-19 на територијата на Република Северна Македонија и мерките и активностите на надлежните институции“, информираат од Кабинетот на претседателот Стево Пендаровски.