„Ние прво не треба да заборавиме дека имавме еден крупен случај, случај на можно потенцијално бегство на еден од најистакнатите луѓе кој што беа внесени или беа од оние случаи на СЈО. Повод за бегството беше очекуваната пресуда која што следеше за неколку дена во случајот за „Таргет – Тврдина“ најголемиот случај од поранешното СЈО. По укажувањата за бегство мислам дека три клучни институции се непосредно заинтересирани засегнати за тоа, тоа се секако ЈО, судот којшто ги изрекува мерките и извршната власт во делот на полицијата, мислам дека апсолутно нема ништо спорно овие три институции или три групи на институции да се координираат, да разговараат и да дискутираат кога има некој таков проблем.“- изјави министерот за правда, Бојан Маричиќ, во вечерашното интервју во емисијата „360 степени“ на телевизија Алсат.
Нагласи дека само со интеврентни акции и поголема координација на надлежните институции е можно справување со криминалот и корупцијата.
„Значи, ние имавме ситуација за која што целата јавност се вознемири и којашто можеше да значи бегство, тајно бегство или долгорочно бегство на Сашо Мијалков. Координацијата беше околу конкретна ситуација за можно бегство на Мијалков, и не знам како мислите дека е возможно да се искординираат на највисоко ниво овие институции ако немаат работен состанок на коишто ќе ги споделат информациите…Ама знаете како? Кога избега Груевски тогаш велеа зошто не се координирале институциите…Епа токму тоа беше една од целите на овој состанок, да се утврди каде е дупката, и да видиме како да не се повтори.“- порача министерот Маричиќ.
