Исчезнувањето на поранешниот директор на УБК Сашо Мијалков беше лошо и за него и за државата, изјави поранешниот министер за здравство Никола Тодоров во Топ Тема на Телма.
Тодоров истакна дека долго го познава Мијалков го и дека бегањето не било во негов стил.
Според екс министерот, изјавата на премиерот Заев кој рече дека институциите го принудиле Мијалков самиот да се пријави, затоа што му ги затвориле сите опции, е погрешна.
Одговорот мора да го дадат институциите, рече Тодоров и потенцираше дека ќе биде грешка на премиерот ако не инсистира оваа работа да се расветли до крај.
