Среде пандемија, додека државата, сите институции, здравствените работници, сите граѓани, се борат против коронавирусот, опозициската ВМРО-ДПМНЕ, со поднесување 500 амандмани во Собранието, ги блокира измените на Законот за здравствената заштита, велат од СДСМ.
Според нив, срамно и неодговорно е опозицијата да се обидува да ја блокира работата на парламентот, да работи на штета на интересите на граѓаните.
„Ова е продолжение на опструкциите што ВМРО-ДПМНЕ со месеци ги прави врз здравствениот систем и борбата против коронавирусот. Граѓаните, целата јавност, ова го гледа и го цени“, се наведува во партиското соопштение, во кое се додава дека токму ваквите политики на ВМРО-ДПМНЕ се причина зошто трипати по ред се казнети на избори.
