Премиерот Зоран Заев на Фејсбук се прости со заменик-градоначалникот на Град Скопје, Енвер Малиќи кој почина изутрината поради компликации со вирусот Ковид-19.
-Со искрено жалење ја примив веста за смртта на Енвер Малиќи, заменик-градоначалник на Град Скопје, бизнисмен и сопственик на една од најуспешните компании во земјата – „Гемак трејд“. Со загубата на Енвер Малиќи, загубивме еден од нашите најистакнати и влијателни стопанственици и угледен член на бизнис заедницата. Загубивме сограѓанин кој беше неуморен и секогаш подготвен на нови предизвици, кој со својата самопрегорна работа водеше успешни деловни потфати и надвор од границите на нашата земја, напиша Заев.
Тој до семејството на Малиќи испрати сочувство од негово и името на Владата.
