Владата ќе достави до Собранието предлог за продолжување на кризната состојба; Со посебни протоколи ќе се отворат скијачките центри; Се зголемува бројот на стипендии за социјална поддршка на ученици и за ученици со попреченост, се само дел од одлуките од 25-тата седница.
Владата на Република Северна Македонија на денешната редовна 25-та седница го усвои предлогот на Управувачкиот комитет за координација и управување во системот за управување со кризи и го утврди текстот на Предлог – одлуката за одобрување на продолжување на рокот за постоење на кризна состојба на територијата на Република Северна Македонија.
Со оваа предлог-одлука се предлага на Собранието на Република Северна Македонија да одобри продолжување на рокот за постоење на кризна состојба до 30 јуни 2021 година.
