– Граѓаните и СДСМ одамна избраа европска иднина. Избраа да носат храбри и патриотски одлуки, кои ја движат македонската држава и македонскиот народ кон исполнување на стратешките цели – НАТО и ЕУ. Денеска резултатите на политиките на СДСМ и на Владата предводена од СДСМ се видливи на дело, а не само на зборови, се вели во фејсбук статусот на Зоран Заев, премиер и лидер на СДСМ.
– Став на партијата, на Владата, но и државна позиција е дека македонската иднина е во Европската Унија, дека Македонците со својот македонски јазик чекорат напред кон Европа, кон просперитет и кон пријателство со сите соседи.
Знаат граѓаните што е вистина и кој се бори за македонската иднина, кој го заштити македонскиот идентитет во најтешките преговори во историјата на земјата. Знаат граѓаните кој носи одлуки без разлика на политичката кариера, исклучиво водејќи се од интересот на целиот наш народ и татковината.
#СДСМ била, е и ќе остане државотворна партија и својата државотворност секогаш ја зајакнувала во вакви исклучително важни моменти, велат од СДСМ, напиша Заев на фејсбук.
