Centar.mk
МАКЕДОНИЈА

Царовска: Со Болоњскиот процес го приспособуваме високото образование на потребите на студентите

Министерката за образование и наука, Мила Царовска, денеска учествуваше на онлајн-конференција на министрите надлежни за високото образование на земјите членки на Болоњскиот процес.

Домаќин на конференцијата, која првпат се одржува онлајн, е Рим и на неа учествуваат министрите од 48-те земји членки.

Царовска, која заедно со другите министри го одобри римското коминике за понатамошниот развој на високото образование, кое е и основа за креирањето на домашните високообразовни политики, во обраќањето го истакна значењето на иновативноста во високо образование.

„Во изминатите дваесет години постигнувањата од Болоњскиот процес го изменија високо образование, кое е насочено на потребите на студентите и за развојот на општеството. Со воведувањето нови и подобро усогласени методи и практики за учење внесуваме сосема нова димензија во образовните процеси и ги приспособивме на современите трендови. Сето ова е тесно поврзано со истражувањата и со местото на општествените, хуманистичките и креативните науки, кои треба да продолжат да ја играат виталната улога давајќи им длабочина на нашите животи и овозможувајќи да го разбираме и да дејствуваме во светот што постојано се менува“, рече Царовска.

Болоњскиот секретаријат ѝ изрази благодарност на нашата земја, која во изминатите две години учествуваше во одборот што раководи со Болоњскиот процес и за конференцијата одржана во Скопје во февруари 2019 година.

На римската конференција министрите го примија Сан Марино како нова членка на Болоњскиот процес.

Можеби ќе ве интересира

ПРОТЕСТ ПРЕД ПОЛИЦИЈАТА ВО ОХРИД – Се бара одговорност од институциите и заштита за секоја жртва на насилство

ДЕСК

ОКОЛУ 120 ЖЕНИ ГОДИШНО ЗАБОЛУВААТ ОД РАК НА ГРЛОТО НА МАТКАТА – Лекарите со важен апел за превенција

ДЕСК

СИЛЕН ВЕТЕР НАД 80 КМ/Ч, ДОЖД И ТЕМПЕРАТУРИ ДО 24 СТЕПЕНИ – УХМР најавува невообичаено топло време до петок, од сабота заладување

ДЕСК