Претседателот Стево Пендаровски денеска прими делегација на Македонската горанска заедница од Косово во состав: Авнија Рахте, претседател на заедницата, придружуван од Кенан Скендароски и Аце Димоски.
Претставниците на Македонската горанска заедница го информираа претседателот Пендаровски за нивните активности за заштита и афирмација на македонскиот етнички, јазичен, културен, верски и историски идентитет, континиуитет и наследство на Македонците во Косово.
Претседателот Пендаровски ги поздрави активностите на Македонската горанска заедница насочени кон градење на врски меѓу Северна Македонија и Косово, заложбите за придонес кон градењето на мултиетничко и мултикултурно општество преку различните иницијативи за афирмација на македонската заедница во Косово.
