7. октомври 2025
Centar.mk – Вести, бизнис, забава, спорт…
МАКЕДОНИЈА

Средба на премиерот Заев со пратеници од Албанија: Државите споделуваат европски вредности и се пример за регионот, на којшто му се потребни пријателства и соработка

Претседателот на Владата на Република Северна Македонија, Зоран Заев, придружуван од Љупчо Николовски, заменикот на претседателот на Владата за борба против корупцијата и криминал, одржлив развој и човечки ресурси, се сретна со пратениците од Парламентот на Република Албанија, Таулант Бала и Васил Стерјовски, првиот пратеник во албанскиот Парламент од партијата Македонска алијанса за европска интеграција и со Нури Белба, градоначалник на Општината Прењас.

На состанокот е констатирано дека искрените, пријателски односи помеѓу премиерите Зоран Заев и Еди Рама се насоката по којашто се развиваат и добрососедските односи помеѓу Република Северна Македонија и Република Албанија, како добар пример и во регионот, дека каде што има политичка волја има и меѓусебно почитување и успешна соработка.

Заеднички е заклучено дека двете држави веруваат во истите, европски вредности.

„Сите заложби за европската иднина на нашите држави се и заложби за европеизација на државите, со цел подобар живот на граѓаните. На регионот му требаат пријателства и соработка и тие се случуваат“, рече премиерот Заев.

На средбата се разменети информации за унапредувањето на проектите во инфраструктурата, граничните олеснувања, земјоделството, како и дека постои простор за проширување на економската соработка како меѓу двете земји, така и во регионот како заеднички пазар, којшто може да биде и попривлечен на Европа и светот.

Исто така е истакната грижата за етничките заедници во државите, како мост и потврда на искреното пријателство меѓу двете држави.

Можеби ќе ве интересира

Каранфилова –Пановска од Неготино: Програмата на Мантев со низа мерки за лицата со попреченост

ДЕСК

Мицкоски: СДСМ имаат слоган со кој велат се бориме за домот, на кој дом мислат на Халкидики или во Дубаи

ДЕСК

Поведена истрага во Виница за тешка телесна повреда на едно лице

ДЕСК