Centar.mk – Вести, бизнис, забава, спорт…
Centar Бизнис Во тренд...

Изгласани законските измени – Викенд без ДДВ обезбедува повеќе пари кај граѓаните и зголемена приватна потрошувачка, вели власта

Со задоволство може да кажам дека денеска Собранието на Република Северна Македонија ги изгласа измените на Законот за враќање на дел од данокот на додадена вредност на физичките лица, соопшти Сања Лукаревска, пратеник од редовите на СДСМ.

– Ова значи дека сите граѓани кои во овој продолжен викенд, односно на 10, 11 и 12 октомври ќе купуваат домашни производи и услуги или производи од ИТ индустријата до 30.000 ден, ќе го добијат назад целиот износ на ДДВ.

Оваа мерка којашто е дел од четвртиот пакет од антикризни мерки на владата предводена од СДСМ, станува достапна за 350.000 корисници на апликацијата Мој ДДВ, но и за нови корисници кои ќе ја инсталираат апликацијата.

На граѓаните кои ќе пазаруваат домашни и производи од ИТ индустријата, меѓу 10-12 октомври, по неколку денови на трансакциските сметки ќе им биде извршен поврат на целиот ДДВ од купените производи.

Според проценките, преку оваа мерка ќе се оствари промет од 170 милиони евра, пари, а кон граѓаните ќе бидат вратени околу 17 милиони евра преку повратот на ДДВ.

Досега, за само една година преку мерката Мој ДДВ, веќе се вратени над 11 милиони евра кај граѓаните.

Викенд без ДДВ значи пари назад на сметките на граѓаните, поддршка на приватната потрошувачка и зајакнување на домашниот буџет.

Како парламентарно мнозинство продолжуваме посветено да работиме во интерес на граѓаните, на економијата и на државата,децидна е Лукаревска.

Можеби ќе ве интересира

Државата им помага на погодените компании – За секој вработен плата од 14.500 до 21.776 денари, Лукаревска детално ги објави условите

CENTAR MKD

Деновиве треба да легнат 66.853.929 денари на сметките на 204.088 граѓани – пари од викендот без ДДВ

CENTAR MKD

Ако купите производ од 11.800 денари, добивате 1.800 денари назад – Државата враќа ДДВ за домашни производи

CENTAR MKD