25. август 2025
Centar.mk – Вести, бизнис, забава, спорт…
ТЕМАБИЗНИСИЗБОР

Изгласани законските измени – Викенд без ДДВ обезбедува повеќе пари кај граѓаните и зголемена приватна потрошувачка, вели власта

Со задоволство може да кажам дека денеска Собранието на Република Северна Македонија ги изгласа измените на Законот за враќање на дел од данокот на додадена вредност на физичките лица, соопшти Сања Лукаревска, пратеник од редовите на СДСМ.

– Ова значи дека сите граѓани кои во овој продолжен викенд, односно на 10, 11 и 12 октомври ќе купуваат домашни производи и услуги или производи од ИТ индустријата до 30.000 ден, ќе го добијат назад целиот износ на ДДВ.

Оваа мерка којашто е дел од четвртиот пакет од антикризни мерки на владата предводена од СДСМ, станува достапна за 350.000 корисници на апликацијата Мој ДДВ, но и за нови корисници кои ќе ја инсталираат апликацијата.

На граѓаните кои ќе пазаруваат домашни и производи од ИТ индустријата, меѓу 10-12 октомври, по неколку денови на трансакциските сметки ќе им биде извршен поврат на целиот ДДВ од купените производи.

Според проценките, преку оваа мерка ќе се оствари промет од 170 милиони евра, пари, а кон граѓаните ќе бидат вратени околу 17 милиони евра преку повратот на ДДВ.

Досега, за само една година преку мерката Мој ДДВ, веќе се вратени над 11 милиони евра кај граѓаните.

Викенд без ДДВ значи пари назад на сметките на граѓаните, поддршка на приватната потрошувачка и зајакнување на домашниот буџет.

Како парламентарно мнозинство продолжуваме посветено да работиме во интерес на граѓаните, на економијата и на државата,децидна е Лукаревска.

Можеби ќе ве интересира

Димитриеска-Кочоска во Загреб- Потпишан Меморандумот за разбирање и соработка насочена кон развој на пазарите на капитал во земјите од Централна и Југоисточна Европа

ДЕСК

По 17 години – нови правила за одобрување возила од 1 септември: Поевтино, побрзо и 1,3 милиони евра назад кај македонски компании

ДЕСК

ССМ со жестоко соопштение: Функционер со 150.000 денари плата или 2.500 евра плата му кажува на работник со 24.397 денари или 400 евра плата како нема да му ја зголеми платата и како добро се живее, веројатно за да не аздиса многу работникот

ДЕСК