11. септември 2025
Centar.mk – Вести, бизнис, забава, спорт…
SHOWBIZИЗБОР

Почина пејачката Нина Спирова позната по „Еден бакнеж“, „ Молчи молчи љубов моја“

На 82-годишна возраст денеска почина Нина Спирова, една од највпечатливите фигури во современата македонска музика.

Позната најпрво како извонреден интерпретатор на староградска и народна музика, Спирова во 60-те години на минатиот век израснува во една од најголемите ѕвезди на тогашната забавна естрада и ги изведува некои од најпознатите македонски евергрини: „Молчи, молчи љубов моја“, „Езеро мое“, „Еден бакнеж“, „На овој ден“ и многу други.

Низ соработка со најпознатите македонски автори, композитори и музички аранжери, меѓу кои Драган Ѓаконовски – Шпато, Љубомир Бранѓолица, Димитар Масевски и многу други, Спирова има забележано над 100 композиции, меѓу нив и редица успешни сингл изданија на српскохрватски јазик.

Спирова, родена во Прилеп во 1938 година, ќе остане запаметена како врвен уметник, ненаметлива и скромна личност. Од естрадата целосно се повлече пред повеќе од 35 години, но и со релативно кусата кариера, си обезбеди важно место во македонската музичка историја.

Можеби ќе ве интересира

САД го потврдија своето учество на таканаречената руска евровизија, познато и кој пејач ќе ги претставува

C +

Погребана Габи Новак, на легендарната пејачка ѝ беше исполнета последната желба

C +

Џенифер Анистон подготвена за трет брак, планирала венчавка на плажа со Џим Кертис

C +