Потретседателoт на ВМРО-ДПМНЕ и носител во изборната единица 4, Александар Николоски денеска одржа средба со граѓани во Радовиш и Ораовица.
„Нашето основно ветување за овој дел е удар врз зелената мафија која тука делува, а тоа подразбира дека на првата седница на идната Влада ќе се донесе закон со кој нема да смее килограм тутун да се увезе во Македонија додека не се откупи домашниот и додека не се откупи по фер и гарантирана цена“, нагласи Николоски.
Додаде дека ВМРО-ДПМНЕ подготвува и пакет на законски решенија кои треба да помогнат во регулирањето на работата на превозниците.
„Стопанството ќе го стимулираме со ниски даноци, со бескаматни кредити како и со можност за вработување на млади луѓе до 29 години без никакви дополнителни давачки“, порача Николоски при посетата на Радовиш.
ПОПУЛАРНО НА ИНТЕРНЕТ...
