13. август 2025
Centar.mk – Вести, бизнис, забава, спорт…
ТЕМАМАКЕДОНИЈАТОП ВЕСТИ

СДСМ: Изненадени сме од степенот на бунило во ВМРО-ДПМНЕ, дали воопшто некој таму ги преслушал разговорите пред да ги објават?

ВМРО-ДПМНЕ вчера имаше уште една целосно промашена операција и неуспешен обид да наштети на демократските политики на СДСМ и Зоран Заев, овојпат преку нелегални снимки,велат од СДСм.

– Ние од СДСМ и утрово сме изненадени од степенот на бунило во ВМРО-ДПМНЕ. Дали воопшто некој таму ги преслушал разговорите пред да ги објават?

Ако навистина ги слушнале и ако не биле во бунило, ќе им станело јасно дека објавената содржина не е ништо друго освен потврда на јавните и познати политики на Зоран Заев.

Во аудио разговорите, претседателот Заев јасно и недвосмислено зборува дека е уверен во победата на изборите и дека волјата на граѓаните е неприкосновена, дека граѓанските организации се многу поблиску до демократските отколку до режимските политики, дека нема никаква поврзаност со спомнатиот Чауш и дека бомбите се предадени на СЈО и само на СЈО и дека следува расчистување со криминалот.

Очигледно е дека внатрешните поделби во ВМРО-ДПМНЕ одат во корист и за јавна афирмација на добрите политики на Зоран Заев, велат од СДСМ.

Можеби ќе ве интересира

Почина оперската дива Милка Ефтимова

C +

Стејт департментот: Нема значителни промени во состојбата со човековите права во Северна Македонија

C +

ВМРО-ДПМНЕ: Ако имало нешто противзаконско во „Еразмус +“ како што зборува СДС, бомбастично ќе ги затвореа луѓето додека беа власт

C +
МАКЕДОНИЈА

Димитров пред пратениците во Берлин: Северна Македонија е случај на надеж за регионот и Европа

ДЕСК

Првиот ден од работната посета на Берлин, министерот за надворешни работи на Република Северна Македонија, Никола Димитров, го почна со брифинг со пратеничката група за надворешна политика на ЦДУ/ЦСУ во Бундестагот. Министерот пред германските пратеници го презентира постигнатиот успех во односите со соседите, пред сè, преку договорите со Грција и Бугарија и понуди кус осврт на реформските резултати и очекувањата на земјата во насока на донесување одлука за почеток на пристапните преговори во јуни оваа година.

„Северна Македонија годинава претставува случај на надеж и охрабрување за регионот и Европа. Поткрепени од постигнатото, денеска во Берлин нудиме аргументи за тоа зошто е важно нашите германски пријатели да нè поддржат во отворањето на наредната врата од нашето европско патување. Направивме доста, но нè чека уште многу работа за да стигнеме до поскауваната цел – нова европска реалност преку темелна реформа и фундаментална трансформација на општеството и државата. Јасното препознавање на нашите напори ќе значи консолидација на постигнатото и дополнителен поттик на овој пат како за Северна Македонија така и за европската иднина на целиот регион“, рече Димитров.

Во таа пригода пратеникот Јурген Харт, портпарол на ЦДУ/ЦСУ за надворешна политика и член на работната група, кој го водеше состанокот, исткана: „По храбриот чекор во надминување на деценискиот спор со Грција, Северна Македонија ја има нашата полна поддршка за членството во НАТО и приближувањето кон ЕУ“.

Во рамките на денешните средби во Бундестагот, министерот Димитров се сретна и со лидерот на пратеничката група на ЦДУ/ЦСУ, Ралф Бринкхаус, со кој разговараа за актуелностите во процесот на нашата европска интеграција и подрршката и позициите на ЦДИ/ЦСУ во тој контекст, како и за други теми од регионален карактер.

Денешната посета продолжува со средби со претставници на канцеларијата на германската канцеларка Ангела Меркел. Утре, во активностите на вториот ден од посетата, ќе се вклучи и вицепремиерот Бујар Османи, при што е планиран заеднички брифинг пред парламентарната Комисија за европски прашања во Бундестагот, на која ќе го презентираат напредокот и подготвеноста на земјата за почеток на пристапните преговори со Европската Унија во пресрет на јунскиот совет на ЕУ. Предвидени се и средби со министерот за Европа, Михаил Рот, и новата лидерка на ЦДУ, Анегрет Крамп-Каренбауер.

Можеби ќе ве интересира

Почина оперската дива Милка Ефтимова

C +

Стејт департментот: Нема значителни промени во состојбата со човековите права во Северна Македонија

C +

ВМРО-ДПМНЕ: Ако имало нешто противзаконско во „Еразмус +“ како што зборува СДС, бомбастично ќе ги затвореа луѓето додека беа власт

C +