Одредена е мерка притвор за двајцата насилници од кои вчера целата македонска јавност беше згрозена. Санкции мора да има, информираше предмалку Славјанка Петровска, дополнителен заменик министер за внатрешни работи.
Вчера на интернет се појави видео каде момчиња вербално и физички брутално напаѓаат девојка со клоци и тупаници и ја ставаат во ќош, додека таа моли да биде пуштена, а во меѓувреме тврди дека е бремена.
Видеото наиде на многу остри критики и осуда во јавноста, а прилично брзо реагираа и институциите, со оглед дека веднаш осомничените лица беа приведени во полициска станица, а денес им е одреден притвор.
Инаку видеото било снимено пред 2 месеци, а 21 годишната девојка која заработила повреди тогаш не пријавила во полиција.
