Вечерва бројни полициски екипи проверуваат во главниот град, како и во другите градови, дали се спроведуваат мерките на Владата за справување со Ковид 19 и се казнуваат престапниците, дознава Centar.mk.
Дополнителната заменичка на министерот за внатрешни работи Славјанка Петровска претходно на социјалните мрежи најави дека нема веќе да се толерира прекршувањето на мерките.
„Сите мерки на Владата се донесени за да се заштити јавното здравје и да се спречи ширењето на заразната болест. Секој што ќе постапува спротивно значи дека го повредува членот 205 и членот 206 од Кривичниот законик. За сторено кривично дело полицијата нема да предупредува, туку ќе приведува. Бидете свесни, заштитете се и себе и околината“, напиша Петровска на Фејсбук.
ПОПУЛАРНО НА ИНТЕРНЕТ...
