Секогаш во средиштето на збиднувањата...

(Видео) Спасовски: Замислете за демократски капацитет зборува Затуровска Лилјана – чија партија учествуваше во напад што требаше да заврши со убиство во овој парламент

– Замислете за демократски капацитет на Влада, и за одложување наводно на изборите, ние викаме дајте да завршиме се и да одиме на изборите… ни зборува Затуровска Лилјана, која што шест месеци од формирањето на парламентарно мнозинство одлагаше низ парламентарна дебата формирање на нова влада и на крајот заедно со ВМРО ДПМНЕ учествуваше во напад што требаше да заврши со убиство во овој парламент, рече премиерот Оливер Спасовски на седницата во Парламентот која уште трае.

– Мислам дека најмалку што можете треба да не спомнувате за никаков страв, затоа што јас тогаш и моите колеги не се плашевме од ордата која што влезе да не’ убие. И не бевме исплашени од вас и од ВМРО ДПМНЕ и од бандитите кои ги внесовте дека можеме да завршиме во ковчег и да не изнесете надвор, порача Спасовски.