Облачно, студено и ветровито со температура до 5 степени

Во текот на ноќта беше претежно облачно, студено и ветровито со локални врнежи од снег. Дуваше умерен до засилен ветер од северозападен правец, кој во Штип достигнуваше брзина над 70 километри на час.

Времето денеска ќе биде променливо облачно со умерен до засилен северен ветер (на места над 60 км/час). Претпладне се уште ќе има локални врнежи од снег со послаб интензитет. Максималната температура ќе биде во интервал од -2 до 5 степени.

Во Скопје ќе биде променливо облачно со умерен до засилен северен ветер. Претпладне ќе има услови за провејување на снег.Максималната температура ќе достигне до 2 степена.