Променливо облачно време со температура до 13 степени

Времето претпладне ќе биде променливо облачно со локални врнежи кои ќе бидат претежно од снег со послаб интензитет, информира УХМР. Попладне облачноста ќе се намалува.

Ќе дува умерен, вдолж Повардарието засилен северозападен ветер. Максималната температура ќе биде во интервал од 5 до 13 степени.

Во Скопје, претпладне променливо облачно со повремен слаб дожд, а во повисоките делови од котлината со услови за слаб снег. Попладне облачноста ќе се намали.

Ќе дува умерен до засилен северозападен ветер. Максималната температура ќе достигне до 9 степени.