Техничкиот премиер, Оливер Спасовски, одговарајќи на новинарски прашања ја повика опозицијата да го поддржи Законот за јавно обвинителство кој, како што најави, наскоро ќе биде доставен во Собранието.
Спасовски верува дека сега е моментот сите политички партии да бидат на висината на сопствената одговорност.
„Ги повикувам пратениците од парламентарната опозиција, од најголемата опозициска патија да се престане со партиски калкулации, со политиканство, со ставање на своите политички, лични интереси пред интересите на државата и конечно да се вградат во еден закон што ќе значи гарантирано зголемување на правдата, гарантирано зголемување на судството на јавното обвинителство, од една страна и второ да помогнат барем еднаш сега да ги оствариме нашите интереси во делот на законот за јавно обвинителство и добивањето датум за почеток на преговорите“, рече Спасовски.
Според Спасовски, дијалогот ќе придонесе да се донесе законското решение кое ќе гарантира правда за сите во земјава.
ПОПУЛАРНО НА ИНТЕРНЕТ...
