Во интервју за 24 Телевизија, претседателот на СДСМ, Зоран Заев, во кругот на семејството пред новогодишните празници одговараше на прашања од приватниот живот, но и од политиката.
– Јас сум горд на овој договор (Преспанскиот договор), ако ме прашате мене, еве себично ќе речам дека ние добивме повеќе, но ако ги прашате грците, ќе кажат дека тие добиле повеќе. Добија двете страни бидејќи добија пријателство. Со тоа пријателство ние го верифициравме и утврдивме нашиот македонски идентитет, нашиот македонски јазик, конечно имаме наша лична карта во Обединетите Нации, го добивме имотниот лист на тој начин. Не е важно веќе дали не признале 132 или 134 земји во ООН, сега сите не признаа – рече Заев.
