Град Скопје на денешната седница на Советот ќе го разгледува предлог-буџетот за 2020 година.
Најголемо зголемување на планираните средства во новиот предлог-буџет на градот има во Секторот за комунални работи каде што средствата за 2020 се зголемени за 72% во однос на 2019.
„Согласно со направените проценки и анализи, со предлог-буџетот на Град Скопје за 2020 година се предлага износ од 7,3 милијарди денари вкупни приходи и други приливи. Во предлогот се планира и дел од вишокот на приходи остварен во минатите години, во износ од 875.668.000 денари“, се наведува во соопштението на градските власти.
Во него се додава дека споредено со годинава, предложениот буџет за 2020 година се зголемува за 12%.
ПОПУЛАРНО НА ИНТЕРНЕТ...
