Времето утре ќе биде сончево и многу топло за овој период од годината, а од четврток нè очекува заладување. Поради високите температури утре Вдолж Повардарието, а во среда само во југоисточните делови ќе биде активиран жолт метеоаларм, информира УХМР.
Во среда попладне ќе дува засилен северен ветер кој во северните делови ќе предизвика опаѓање на температурата.
Во четврток ќе настапи значителна промена на временската состојба. Ќе преовладува променливо облачно време со повремени врнежи од дожд, а дневната температура ќе опадне за околу осум степени.
Потоа во следните денови времето ќе биде стабилно со ниски утрински и дневни температури. Засилен северен ветер ќе дува и во петок.
