Тепачката со Миле Јанакиески и Спиро Ристовски беше местенка да излезат од затвор. Ова за Радио Слободна Европа го вели директорот на Истражниот затвор Скопје во Шутка, Есад Рахиќ.
– Господинот Котевски пред мене коректно си ја вршел работата. Мислам дека тоа е сплет на несреќни околности, да не кажам една класична местенка изрежирана да се случи тоа за дел од тие што учествуваа во тепачката да излезат надвор, вели директорот на Шутка.
За потсетување, настанот се случи во февруари годинава, кога и двајцата потоа беа транспортирани до болница. На двајцата им беше одреден притвор за настаните од Собранието, откако Обвинителството за гонење организиран криминал и корупција ги осомничи дека се дел од шестемина што ги организирале насилствата во Собранието на 27 април 2017 година.
