Времето утре ќе биде сончево и многу топло, попладне со умерена облачност. Ќе дува слаб ветер од јужен правец, информира УХМР.
Минималната температура ќе биде помеѓу 11 и 20, а максималната ќе достигне од 33 до 39 степени. Вредноста на УВ-индексот ќе биде 9.
Во Скопје сончево и многу топло. Температурата ќе се движи од 19 до 38 степени.
Под влијание на многу топла воздушна маса до средината на наредната недела времето ќе биде сончево и многу топло, а само во петок ќе има извесно зголемување на облачноста.
Денес е активирано жолто ниво на целата територија на Македонија, а од утре и портокалово ниво во Скопското подрачје, долж Повардарието и во источните делови за опасност од високи температури и УВ зрачење.
