Јовановски: Одлично се одвива реконструкцијата на градскиот стадион „Гоце Делчев“, а како градоначалник на Прилеп нема да дозволам ФК Победа да оди во стечај

Одлично се одвива реконструкцијата на градскиот стадион „Гоце Делчев“, а како градоначалник на Прилеп, како човек кој го сака фудбалот и кој што има одговорност пред граѓаните на најфудбалскиот град во нашата држава, нема да дозволам ФК „Победа“ да замине во стечај и потоа во ликвидација. Затоа, на прилепската и пошироката јавност сакам да им соопштам дека ќе излезам со програма пред членовите на општинскиот Совет и од нив ќе побарам Општина Прилеп да ја преземе грижата за „Победа“, сѐ до моментот додека не се најде приватен инвеститор кој фудбалскиот клуб ќе го земе под своја „капа“.