Секогаш во средиштето на збиднувањата...

Саркофаг од 2 век пронајден при реконструкција на улица во Карпош 4

Несекојдневни ископини пронашле градежните работници кои работат на реконструкција на улица во скопската населба Карпош 4.

Како што е објавено на официјалната фејсбук-страница на Музеј на град Скопје, при градежниот зафат во близина на слаткарницата „Палма“, пронајдени биле камен саркофаг и три елементи на надгробен олтар, кои потекнуваат од римски период, од 2 век од нашата ера.

Во Карпош 4, во близина на слаткарницата Палма,на 24.07.2019 при реконструкција на улица, пронајдени се камен саркофаг и три елементи на надгробен Олтар кои потекнуваат од римски период 2 век од наша ера

Gepostet von Музеј На Град Скопје am Donnerstag, 25. Juli 2019

Интересен куриозитет е тоа што голем дел од артефактите изложени пред Музејот на град Скопје се ископани на локации во близина на трговскиот центар „Лептокарија“ во Карпош 3 кој е изграден на место каде во минатото сe наоѓала една од некрополите на Скупи.